Paris Saint-Germain në bisedime me Milanin për Franck Kessie

Paris Saint-Germain thuhet se ka kontaktuar me Milanin, që të nënshkrujë me Franck Kessie në janar.

Kontrata e Kessies me Rossonerët përfundon në qershor 2022 dhe thuhet se ka një hendek të madh midis kërkesave të lojtarit për të rinovuar dhe ofertës që është duke i ofruar Milani.

Sipas raportimeve nga mediat në Itali, PSG po monitoron situatën e tij, dhe janë gati për t’i ofruar pagën që ai dëshiron në Parc des Princes, shkruan footballitalia, transmeton Klankosova.tv.

Footmercato.net raporton se drejtori i PSG -së Leonardo ka kontaktuar drejtorin sportiv të Milanit Paolo Maldini, duke propozuar një negociatë për një lëvizje në janar.

Në këtë mënyrë, PSG parashikon ardhjen e mesfushorit të Bregut të Fildishtë dhe kështu Milani do të shmangë humbjen e lojtarit në një transferim falas verën e ardhshme.

Kessie ka këmbëngulur më parë se dëshiron të qëndrojë në Milano, por aktualisht nuk është i gatshëm të ulë kërkesat e tij për pagë për të qëndruar në kryeqytetin e modës.

PSG është gati t’i ofrojë atij tetë milionë euro në mënyrë që të sjellë mesfushorin në kryeqytetin francez.