Fshiheshin pas pasurive të paluajtshme, si vepronte organizata e droës në Spanjë. Detajet

Mbi 400 agjentë të policisë europiane u angazhuan në operacionin anti-drogë të zhvilluar në Spanjë ku u shkatërrua një organizate kriminale që merrej me kultivimin dhe trafikimin e narkotikëve.

Kjo organizatë kriminale në Spanjë është cilësuar si një ndër më të mëdhajat dhe më të rëndësishmet në kontrollin e trafikut ndërkombëtar të drogës.

Organizata ishte e vendosur në Katalonjë, konkretisht në zonën Tarragona.

“Ne jemi numri një eksportues i marijuanës. Kjo padyshim nuk është krenari; por ky nuk është problemi i parë: ne eksportojmë marijuanë dhe importojmë krim të organizuar,” – u ankua kryebashkiaku Ramón Chacón de los Mossos, i cili ka siguruar se nuk ka vend tjetër në Evropë ku po vendosen po aq mafia ndërkombëtare sa Spanja.

Hetimi gjithashtu ka bërë të mundur gjetjen dhe mbylljen e më shumë se 30 plantacioneve të shpërndara në një numër bashkish në Katalonjë.

Organizata kishte prodhime në Reus, Tarragona, Amposta, Sabadell, Mollet, la Llagosta, Polinyà, l’Hospitalet de Llobregat, Barcelona, ​​Celrà, Vendrell, Olesa de Montserrat, Sant Sadurní d’Anoia, Selva del Camp, Constantí, Canyelles, Vila-rodona, Creixell, Santa Margarida i els Monjos, Montblanc, Sant Fruitós del Bages dhe Sant Feliu de Llobregat.

Hetimi, i mbikëqyrur nga Gjykata e Reus, filloi në korrik 2020, kur agjentët zbuluan një plantacion marijuane në një magazinë industriale.

Hetimet çuan në zbulimin e një organizatë ndërkombëtare të bazuar në Tarragona, si dhe një rrjet të përbërë nga punëtorë në sektorët e pasurive të paluajtshme dhe elektrike, të cilët ndihmuan organizatën të themelohej, dhe u siguruan atyre logjistikë dhe infrastrukturë për rritjen e marijuanës.

Në fund të vitit 2020, një nga dërgesat e marijuanës u neutralizua në Berlin.

Kjo organizatë synonte të maskonte 140 kilogramë marijuane të paketuara në një ngarkesë fistikësh përmes një kompanie britanike.

Lajme të Ngjashme