E çuditshme! Salmoni me kokainë përpiqet të iki nga ferma e peshkut!

Salmoni që hidhej furishëm në një fermë peshku në Gjermani mund të ketë qenë me kokainë, sipas një raporti të lëshuar nga zyrtarët gjermanë të mjedisit.

Zyrtarët nga Agjencia Shtetërore e Mjedisit e Nordrhein-Westfalen (e njohur edhe si Lanuv) vunë re sjelljen e çuditshme dhe të çrregullt nga Salmoni Atlantik në qershor të vitit 2020 ndërsa mbikëqyrnin një projekt të ruajtjes së specieve.

“Salmoni u fut në panik dhe u përpoq të hidhej nga uji”, tha Daniel Fey, kreu i departamentit të Ekologjisë dhe Akuakulturës, për Der Spiegel Magazine, duke shtuar se sjellja është tregues i ujit të kontaminuar. “Ishte një përgjigje ndaj një ndjenje shqetësimi”.

Në një pjesë të raportit vjetor të publikuar së fundmi të titulluar “Salmon in Coke”, Lanuv përshkruan hapat që u ndërmorën për të kuptuar sjelljen e çuditshme të salmonit.