Dy punonjës të MPJ në Maqedoni nuk e kanë kaluar vetingun

Rezultatet paraprake nga fillimi i vetingut të diplomatëve në MPJ tregojnë se dy personave do t’u ndërpritet kontrata e punës sepse nuk kanë certifikatë sigurie nga shërbimet e sigurisë, informoi sot Ministri i Punëve të Jashtme, Bujar Osmani.

“Një personit gjatë kontrollit të statusit të sigurisë iu refuzua kërkesa për një certifikatë sigurie dhe nuk kaloi filtrin e parë. Për arsyet e refuzimit nuk mora shpjegim, ndërsa është filluar një procedurë për përfundimin e marrëdhënies së punës. Një person tjetër ka përdorur certifikatë të papërshtatshme. Edhe ai nuk e kalon vetingun fillestar edhe për atë vijon ndërprerje e marrëdhënies së punës. Me këtë, mund të konkludohet se dy persona nuk e kanë kaluar vetingun, tha Osmani në pyetje të gazetarëve në konferencën e sotme për shtyp në selinë e partisë së tij amë BDI në Shkup.