Ditët e fundit të Regjistrimit të Popullsisë, Enti njoftoi që në disa rajone tashmë ka mbaruar procesi

Enti Shtetëror i Statistikave dy ditë para mbylljes së procesit të Regjistrimit të popullsisë ka sqaruar që ky proces në disa rajone tashmë ka përfunduar, ndërsa në tjerat kemi rritje të intensitetit.

“Në tri ditët e fundit nga Regjistrimi i popullsisë, shtëpive dhe banesave në Republikën e Maqedonisë së Veriut, aktivitetet e regjistrimit në terren po realizohen pa ndërprerë dhe në rajone e caktuara të regjistrimit me intensitet të zmadhuar”, njoftojnë nga Enti Shtetëror i Statistikave, duke vlerësuar që po punohet me të gjitha kapacitet në kuadër të afateve të parapara në Ligjin për Regjistrim.