Bie interesimi i katalunasve për të parë Barcelonën, nuk shiten biletat as për ndeshjen kundër Bayernit

Situata financiare e Barcelonës është shqetësuese, megjithatë ata që janë në pushtet në Barcelonë po shqetësohen njësoj për mungesën e interesit që tifozët e tyre kanë për t’u kthyer në Camp Nou.

Nga një kuotë biletash prej 40 mijë për tifozët vendas, vetëm 31,213 bileta u kërkuan nga tifozët e Barcelonës për ndeshjen me Bayern Munich.

Ajo që është alarmante për gjigantët katalanas është se kjo nuk është një lojë e zbehtë në grupe, por një takim me një nga klubet më të mëdhenj të Evropës.

Në ndeshjen e mëparshme kundër Getafe as kuota nuk u shit, raporton Marca, transmeton Klankosova.tv.

Nga 20,000 vende të disponueshme për ndeshjen në LaLiga, vetëm 19,136 u kërkuan, dhe kjo duket sikur po vazhdon për pjesën më të madhe të sezonit.