Ambasadori argjentinas në aeroport ndërsa ekipi kombëtar përgatitet të largohet nga Brazili (VIDEO)

Ekipi kombëtar i Argjentinës po kthehet në shtëpi pasi kualifikimi i tyre në Kupën e Botës në ballafaqimin me Brazilin u ndërpre pas vetëm shtatë minutash të dielën kur zyrtarët lokalë të shëndetit dolën në fushë në një mosmarrëveshje të ashpër për shqetësimet e koronavirusit.

Daniel Scoli, ambasador i Argjentinës në Brazil shkoi në aeroport për ta përcjell ekipin.

“Ekipi është gati të largohet, ata po kalojnë procedurat e imigrimit”, tha ai, raporton AP, transmeton Klankosova.tv

Ndeshja me argjentinasin Lionel Messi dhe brazilianin Neymar u ndërpre përfundimisht nga gjyqtari me rezultatin 0-0.

Zyrtarët brazilianë të shëndetit pretenduan se tre lojtarë argjentinas nuk zbuluan kur mbërritën të premten e kaluar se ata kishin qenë kohët e fundit në Angli dhe duhet të kishin qenë në karantinë në vend që të luanin në ndeshje.