Përfitimet shëndetësore të ujit të kokosit

Përveç që është natyrshëm i ëmbël dhe hidratues, uji i kokosit është i ngarkuar me disa lëndë ushqyese të rëndësishme, duke përfshirë minerale që shumë njerëz nuk i marrin mjaftueshëm.

Uji i kokosit është lëngu që gjendet në qendër të një kokosi të ri të gjelbër, megjithëse gjendet edhe në frutat e pjekura. Një kokos mesatar jeshil siguron rreth 1/2-1 filxhan ujë kokosi.

Uji i kokosit përmban 94 përqind ujë dhe shumë pak yndyrë. Nuk duhet ngatërruar me qumështin e kokosit, i cili bëhet duke i shtuar ujë mishit të kokosit të grirë.

Një filxhan (240 ml) kokosi përmban 60 kalori, 15 gram karbohidrate , 8 gram sheqer , kalcium 4 përqind e vlerës ditore, magnez 4 përqind, fosfor 2 përqind dhe kalium 15 përqind, transmeton Klankosova.tv

Hulumtimet kanë treguar se uji i kokosit mund të ulë nivelet e sheqerit në gjak dhe të përmirësojë shënuesit e tjerë të shëndetit te ata me diabet.

Pirja e ujit të kokosit, sipas disa studiuesve, parandalon gurët në veshka.

Edhe pse uji i thjeshtë është një zgjedhje e mirë, dy studime të vogla sugjerojnë se uji i kokosit mund të jetë edhe më i mirë në këtë aspekt.

Pirja e ujit të kokosit mund të ndihmojë në zvogëlimin e rrezikut të sëmundjeve të zemrës.

Një studim i vitit 2005 sugjeron që uji i kokosit mund të jetë gjithashtu i dobishëm për uljen e presionit të gjakut tek individët që jetojnë me presion të lartë të gjakut, por nevojiten më shumë kërkime të bëhen në atë zonë.

Ky ujë mund të jetë pija e përsosur për rivendosjen e hidratimit dhe rimbushjen e elektroliteve të humbura gjatë stërvitjes.

Uji i kokosit është një pije e shijshme, e mbushur me elektrolite, natyrale të shëndetshme për zemrën tuaj, moderon sheqerin në gjak, përmirëson shëndetin e veshkave dhe ju mban të freskët dhe të hidratuar pas një stërvitjeje.

Megjithëse kërkohen studime më të kontrolluara për të konfirmuar shumë nga këto cilësi, po që kërkimet e deritanishme janë inkurajuese.

The post Përfitimet shëndetësore të ujit të kokosit appeared first on Klan Kosova.