Mjegulla e shkaktuar nga tymi e mbulon Jalën (FOTO+VIDEO)

Tymi nga zjarret e shumta që e kanë përfshirë Shqipërinë javëve të fundit ka kapluar disa nga plazhet e mbushura me turistë.

Një lexues i Klankosova.tv ka dërguar disa video dhe fotografi ku shihet se plazhi i Jalit në jug të Shqipërisë është mbuluar krejtësisht nga tymi.

Në ndërkohë, situata me zjarret duket se sot është më e mirë. Disa nga vatrat e zjarrit janë vënë nën kontroll, derisa në disa të tjera janë duke ndërhyrë nga toka dhe ajri.

Edhe situata me zjarret në malin mbi tunelin e Kalimashit që mbrëmë kishte dalë nga kontrolli sot është qetësuar dhe zjarri i madh është shuar.

Në ndihmë të forcave shqiptare mbrëmë me autorizim të presidentes ka shkuar edhe një kontingjent i FSK-së dhe rreth 100 zjarrfikës./ Klankosova.tv

.