Tetova teren i pazareve? Të gjitha partitë paralajmërojnë kandidatë për zgjedhjet lokale

Tetova do të jetë fushëbetejë e partive politike në zgjedhjet lokale të Tetorit. Pos bllokut politik shqiptar që pritet të jetë në garë për të fituar komunën, kandidatë për këtë komunë kanë njoftuar të gjitha partitë politike përfshirë edhe ato maqedonase, LSDM dhe VMRO-DPMNE, shkruan Zyrtare.net

Ajo që dihet paraprakisht marrë parasysh numrin e qytetarëve që jetojnë në këtë komunë është mëse e ditur se shqiptarët do të udhëheqin këtë komunë. Por ajo që shihet me shumë dyshime është ky nxitim i partive maqedonase për të nxjerr kandidatë në këtë komunë kur dihet se janë outsider në këtë garë. Një tezë tjetër e nxitmit mund të arsyetohet edhe në një pretendim tjetër, që ky veprim nga ana e tyre bëhet ndoshta për të matur edhe fuqinë e tyre elektorale në këtë komunë për ti bërë ata pjesë të pazarit politik për raundin e dytë.

Në bazë të rezultateve të fundit beteja për Tetovën pritet të jetë mes BDI-së dhe kolacionit opozitar ASH-Alternativa, pa anashkaluar edhe Lëvizjen BESA e cila ka njoftuar se do ti futet garës me kreun e saj, Bilall Kasami. Krejt jashtë kësaj gare të nxehtë pritet të mbes PDSH-ja e Menduh Thaçit që kësaj rradhe si duket do të provoj fatin e saj të mbetjes në skenën politike në terenin ku mbahen gjallë shtyllat e partisë./Zyrtare.net/