Po bënin xhiron e pasdites me motor, dy të rinjtë marrin para këmbësorin grek, çifti ndërron jetë rrugës për në spital (FOTO)

Një aksident i rëndë ndodhi mbrëmjen e djeshme në Greqi, në Kefalonia. Një 20-vjeçar i quajtur Panagiotis dhe 16-vjeçarja Eletherias, kanë ndërruar jetë gjatë aksidentit me motor në zonën e Kokilia.

Mediet greke raportojnë se dy të rinjtë, të cilët ishin në një lidhje romance me njëri-tjetrin, ishin duke udhëtuar me motor dhe në një moment humbën kontrollin për shkak të shpejtësisë, duke marrë para një këmbësor 80 vjeç.

Si pasojë i moshuari ndërroi jetë në vend, ndërsa dy të rinjtë vdiqën rrugës për në spital.

Pas ekzaminimeve mjeko-ligjore të kryera, ka rezultuar se shkak i vdekjes së dy të rinjve janë bërë dëmtimet e shumta që ata kanë marrë në trup.