Connect with us

Shëndetësi

Mishi i kuq dhe i përpunuar sëmurin zemrën

Published

on

Mishi i viçit, qengjit, derrit dhe mishi i përpunuar rrisin rrezikun e sëmundjeve koronare të zemrës, më vonë gjatë jetës. Ky konstatim vije nga një meta-analizë e re e mbi 1.4 milion njerëzve, që u ndoqën për 30 vjet.

Sipas studimit rreziku për sëmundjen koronare të zemrës u rrit ndërsa sasia e mishit u rrit gjithashtu. Për çdo 50 gramë mish viçi, qengji dhe derri të ngrënë, rreziku i sëmundjes koronare të zemrës rritet për 9 përqind. Kurse për çdo 50 gramë mish të përpunuar si proshutë ose suxhuk të ngrënë, rreziku rritet me 18%.

“Kjo është në përputhje me ato që janë gjetur për kancerin e zorrëve, ku mishi i përpunuar ka qenë me rrezik më të lartë sesa mishi i kuq,” tha bashkë autorja e studimit Anika Knüppel, raporton CNN, transmeton klankosova.tv.

Mirëpo në anën tjetër sipas raportit ngrënia e mishit të shpezëve, si mishi i pulës dhe gjelit të detit, nuk është me rrezik për shkaktimin e sëmundjeve koronare të zemrës.

E quajtur edhe sëmundja e arterieve koronare, ajo është shkaku kryesor i vdekjeve dhe paaftësisë në mbarë botën. Sëmundja zhvillohet kur depozitat yndyrore të kolesterolit krijojnë grumbullim të pllakave në muret e arterieve që furnizojnë zemrën me gjak.

Studimi gjithashtu ka gjetur se dietat më të mira për të ndjekur, që të zvogëlohet rreziku i sëmundjeve të zemrës janë me bazë bimore.

 

 

 

The post Mishi i kuq dhe i përpunuar sëmurin zemrën appeared first on Klan Kosova.

Click Here To Join Native Media

Portali Zyrtare u themelua nga një grup gazetarësh të rinjë në vitin 2018. Të motivuar nga nevoja për lajme të shpejta dhe të vërteta, në Maqedoni, ndër shqiptarë dhe për shqiptarët – Zyrtare nuk ishte veçse një kërkesë e kohës. Kontakt e-mail: [email protected]

Social Media Auto Publish Powered By : XYZScripts.com