Connect with us

Sport

Mathaus kritikon Kroos: Ul shpejtësinë e aksionit dhe ritmin e lojës

Published

on

Është mësuar gjithmonë të dëgjojë lavde për atë që bën në fushën e lojës, por ndodh që Toni Kross të përballet edhe me kritika. Mesfushori gjerman ka përfunduar në “shënjestrën” e Lothar Mathaus, që në një intervistë për “Kicker” ka kritikuar jo pak stilin e lojës së futbollistit të Manchester United.

Ish futbollisti i Gjermanisë, Bayernit të Mynihut e Interit, ka deklaruar se nuk i pëlqen aspak stili i lojës së Kroos, duke shtuar se sa herë që gjermani prek topin, aksioni humb ndjeshëm shpejtësinë.

“Nuk kam asgjë personale me Kroos, por nuk më pëlqen stili i tij i lojës. Nuk është më në lartësinë e më të mirëve. E kemi parë edhe në Europian dhe nuk bëhet fjalë vetëm për shpejtësinë e futbollistit, por edhe atë të përdorimit të topit. Bën mjaftueshëm mirë me një apo dy prekje, por sa herë që ai merr topin, aksioni ngadalësohet ndjeshëm dhe loja humb ritmin”, u shpreh Mathaus.

Mesfushori Toni Kroos iu bashkua përfaqësueses gjermane në 2010-ën dhe që atëherë luajti plot 106 ndeshje, teksa menjëherë pas përfundimit të Kampionatit Europian, njoftoi tërheqjen nga “panzer”-at, me arsyetimin se dëshiron t’i dedikojë më shumë kohë familjes.

Futbollisti 31-vjeçar ia doli të shpallej kampion bote me Gjermaninë në verën e 2014-ës dhe gjithashtu numëron tituj të shumtë me Bayernin e Mynihut dhe Realit të Madridit.

NA NDIQ NË FACEBOOK

Advertisement
Click Here To Join Native Media

Portali Zyrtare u themelua nga një grup gazetarësh të rinjë në vitin 2018. Të motivuar nga nevoja për lajme të shpejta dhe të vërteta, në Maqedoni, ndër shqiptarë dhe për shqiptarët – Zyrtare nuk ishte veçse një kërkesë e kohës. Kontakt e-mail: [email protected]

Social Media Auto Publish Powered By : XYZScripts.com