Aksidenti tragjik në Kroaci, Koka: Qeveria e RMV-së në vend të ndihmës, zgjodhi spektaklin me trotinet

Përfaqësuesi i ASH-së, Zudi Enuzi Koka përmes një statusi në rrjetin social Facebook thekson se Qeveria e Maqedonisë së Veriut në vend të angazhimit për ofrimin e ndihmës për të aksidentin tragjik të ndodhur në Kroaci për bashkëkombasit tanë nga Kosova, zgjodhi të bëj spektakël me trotineta.

“Fat në fatkeqësi është që Kosova ka një Qeveri dhe institucione efikase që maksimalisht u angazhuan për të menaxhuar tragjedinë me autobusin në Kosovë. Por, duke patur parasyshë të kaluarën e përbashkët, solidarizimin e ndërsjellë në kohëra të vështira, do të ishte e udhës që Qeveria e Maqedonisë së Veriut, ambasada jonë në Zagreb, ose të paktën ministrat shqiptarë të shprehnin gadishmëri për të ju dalë në ndihmë bashkëkombasve tanë nga Kosova. Në vend të kësaj, ministrat tanë, në këtë ditë zie zgjodhën të bëjnë spektakël komik me trotineta. Turpi ka emër! Vëllezër e motra, lutemi për ju dhe jemi të gatshëm për çdo ndihmë që mundemi!“, shkruan Enuzi Koka në Facebook.

Në aksidentin tragjik të ndodhur mëngjesin e sotëm në Kroaci vdiqën 10 persona, udhëtarë që udhëtonin nga Gjermania për në Kosovë./ZYRTARE.net/