Teuta Arifi: Ndërtime pa leje ka në të gjithë vendin

Lidhur me deklaratën e kryetarit të Strugës, Ramiz Merko se nuk ka objekte pa leje në komunën e tij, kryetarje e Tetovës, Teuta Arifi thotë se ka objekte të tilla në të gjithë vendin dhe ky është një problem i madh.

“Ka ndërtime pa leje në të gjithë vendin, prandaj ekziston Ligj për Legalizimin. Nëse nuk do t’i kishim, sigurisht që nuk do të kishte nevojë të miratonim një ligj të tillë. Ka probleme të tilla në të gjithë vendin, si dhe në Tetovë”, theksoi Arifi dhe shtoi se një problem serioz për komunat është procedura e gjatë burokratike deri në miratimin e planit të detajuar urbanistik.