“Se kape as këtë”, Rama befason me reagimin në Forumin e Maqedonisë së Veriut: Nuk e keni marrë të mirë përkthyesin

Mos caktimin e një date për konferencën e parë ndërqeveritare, kryeministri Edi Rama e ka cilësuar si një dështim të Bashkimin Europian. Në fjalën e tij në Forumin Ekonomik të mbajtur në Maqedoninë e Veriut Rama ka shkëmbyer batuta me përkthyesin e cili kishte probleme me përkthimin në gjuhën maqedonase ku i thotë se “as këtë nuk e kape”.

“Rastësia e solli që në të njëjtën ditë kur duhej që të flisnim për atë që nuk ndodhi në Bruksel të jemi këtu në një forum të rëndësishëm ekonomik. Unë besoj që kjo është një mundësi për të thënë se çfarëdo ndodhë në apo nuk ndodh në Bruksel, ne jemi shumë të vendosur që të vazhdojmë metë gjitha forcat të risim ekonominë, mirëqenien, krenarinë dhe forcën e dinjitetit të popujve tanë.

Bashkimi evropian mund të caktoj detyra, për integrimin, mund të caktoj afate për këto detyra, mund të caktoj data por BE-ja nuk cakton dot, as vendndodhjen tonë mes Evropës, as kulturën tonë dhe identitetin tonë evropian as të ardhmen e popujve tanë si popuj evropian në familjen evropiane, në shtet evropiane, me standarde politike, institucionale, ekonomike evropiane. Shqipëria e ka bërë zgjidhjen e saj që në kohën e Gjergj Kastriotit dhe e ka rikonfirmuar zgjedhjen e saj qysh në epokën e rilindjes kombëtare. Për shqiptarët dielli lind aty ku perëndon. Dhe e ardhmja jonë është aty ku Zoti na ka caktuar që të kemi tokën tonë, në zemër të Evropës”, – tha Rama.

.