Osmani shkarkoi Dakën me arsye të gabuar, vendimi i Kurteshit ishte kundërshtuar prej saj

Arsyja kryesore për shkarkimin e Valdete Dakës nga Vjosa Osmani del të mos ketë qenë marrëdhënia e keqe e saj me Sami Kurteshin e VV-së. Në fakt, ajo është shkarkuar pasi Daka ka lejuar votimin e qytetarëve me dokumente me afat të skaduar.

Por, duket se Osmani nuk ka pasur të gjitha informacionet për rastin.

Insajderi ka siguruar votimin që është zhvilluar me anë të e-mailit në ditën e zgjedhjeve me 14 shkurt 2021 pak para mesditës.

Sipas votimit përmes e-mailit, vetëm Kryetarja e KQZ-së ka qenë kundër që të lejohet votimi me dokumente me afat të skaduar. Ajo e ka kundërshtuar propozimin që ka ardhur nga përfaqësuesi i VV-së në KQZ, Sami Kurteshi.

.