Mexhiti përgënjeshtron lajmin që ka qarkulluar se ai i ka dërguar një ultimatum kreut të BDI-së, Ali Ahmeti

Nënkryetari i BDI-së, Izet Mexhiti ka përgënjeshtruar një lajm që ka qarkulluar sot se ai i ka dërguar një ultimatum kreut të BDI-së, Ali Ahmeti.

“Të nderuar miq dhe simpatizantë të Bashkimit demokratik për Integrim. Ky reagim vjen pas një mori lajmesh të publikuara në portale dhe media të cilat thiren në një lajm të publikuar më herët nga Almakos.

Dua të hedh poshtë këtë lajm si të pavërtetë. Stilin tim të veprimit në politikë, tanimë nga themelimi i BDI-së në vitin 2002, miqtë dhe simpatizantët e kanë të njohur dhe sigurisht se e dijnë që ky lloj veprimi nuk është i vërtetë. Në fakt, demokracia nuk e njeh gjuhën e ultimatumit në provinencën tonë politike, kurse të gjitha dallimet në qëndrime ne i debatojmë hapur dhe këto qëndrime tanimë janë të njohura për opinionin”, ka nënvizuar Mexhiti./Zhurnal.mk

.