Kosovarët, mysafirë të veçantë në bregdetin shqiptar (VIDEO)

Këtë verë nuk ka frikë nga pandemia COVID-19 në bregdetin shqiptar.

Fillimsezoni po del të jetë më i bereqetshëm në Durrës e Shëngjin sivjet, ndërsa personat që u shërbejnë turistëve aty tashmë janë imunizuar.

Bizneset turistike mbijetuan falë kosovarëve, të cilët përfshinë rreth 60% të të ardhurve në vitin pandemik. Për shkak të kësaj, hotelet kanë përgatitur oferta më të lira për ta.

Ruzhdi Kurtishaj nga Sharr Travel, që udhëheq projektin e promovimit të turizmit shqipfolës, inkurajon kosovarët që pushimet verore t’i kalojnë në shtetin amë.

Shqipëria e Kosova madje planifikojnë bashkërendim edhe në procesin arsimor, duke e përshtatur atë me sezonin e verës.

“Ta kemi fillimin e vitit shkollor më 15 shtator. Kjo do të thotë të pushojmë bashkërisht dhe po ashtu të mësojmë bashkërisht, në të njëjtën kohë”, deklaroi Nait Hasani, ambasadori kosovar në Tiranë.