Italia tregon se është pretendente për EURO 2020, mposht 3:0 Turqinë (GOLAT)

Ndeshja hapëse e  Euro 2020 mes Italisë dhe Turqisë, u dominua plotësisht nga italianët të cilët fituan me rezultatin 3-0.

Në Olimpico, stadiumin e Romës, që ishte i mbushur me rreth 14 mijë tifozë, pjesa e parë u mbyll me porta të paprekura.

Sipari i kampionatit europian u hap me një autogol nga turqit. Ishte Demiral i cili realizoi autogol në minutën e 53-të të ndeshjes, që shtyu drejt rrjetës në top të harkuar nga Berardi në të djathtën. 

Në minutën e 65-të vjen dhe goli i dytë për italianët. Realizon Immobile, i cili ka dyfishuar shifrat, duke gjetur golin e sigurisë dhe duke ndezur festën e italianëve.

Në minutën e 79-të, Roberto Insigne i dha goditjen finale Turqisë, duke realizuar edhe golin e tretë, me një diagonale të bukur.

Loja u dominua plotësisht nga italianët, ku një punë të rëndësishme ka bërë edhe mbrojtja e shkëlqyer e “auxurrëve”. 3 gola, 3 pikë dhe një nisje spektakolare e Euro 2020, ndërsa Italia konfirmon se është pretendente për titull./Gazeta SHQIP