Asnjë i vdekur dhe 11 raste të reja me COVID-19 në 24 orët e fundit në Shqipëri

Asnjë person me COVID-19 nuk ka vdekur në 24 orët e fundit në Shqipëri.

Ndërkohë, vetëm 11 persona kanë rezultuar pozitivë nga 2648 testime të kryera duke shënuar një rënie krahasuar me një ditë më parë kur ishin 18 raste.

“Janë kryer 2,648 testime, nga të cilat kanë rezultuar pozitivë 11 qytetarë. Rastet pozitive të konfirmuara janë identifikuar në këto bashki: 5 raste në Tiranë, 3 raste në Elbasan, 1 rast në Malësi e Madhe, Bulqizë dhe Kolonjë”.

Në 24 orët e fundit janë shëruar 24 qytetarë, duke e çuar numrin e të shëruarve në 129,785 që nga fillimi i pandemisë.

Ndërkohë pozitiv është fakti se aktualisht në Shqipëri janë vetëm 189 raste aktive.

Aktualisht po marrin trajtim spitalor 20 pacientë, nga të cilët gjashtë pacientë janë në terapi intensive.

Statistika (10 Qershor 2021)

Raste të reja ditore        11

Të shëruar në 24 orë      24

Të shtruar në spitale      20

Humbje jete në 24 orë   0

Testime ditore                2,648

Testime totale            748,916

Raste pozitive             132,426

Raste të shëruara        129,785

Raste Aktive                  189

Humbje jete                  2,452

Shpërndarja gjeografike e rasteve aktive sipas qarqeve:

Shkodër       57

Tiranë          50

Berat             28

Elbasan        14

Lezhë           12

Korçë            10

Durrës          4

Fier                4

Gjirokastër   3

Dibër             3

Kukës           2

Vlorë              2

.