Zaev: BE të mbajë premtimet, Maqedonia e Veriut i ka përfunduar detyrimet

Kryeministri i Maqedonisë së Veriut Zoran Zaev, ka deklaruar se mungesa e bisedimeve për integrimin europian do të ndikojë jo vetëm në Maqedoni e Shqipëri, por në të gjithë rajonin e Ballkanit Perëndimor.

Gjithashtu Zaev theksoi se tashmë është koha që BE të mbajë premtimet e saj pa asnjë vonesë, duke shtuar Republika e Maqedonisë së Veriut ka përfunduar të gjitha detyrimet e saj.

“Republika e Maqedonisë së Veriut ka përfunduar të gjitha detyrimet e saj. Komisioni e njohu përparimin në raportet e tij dhe ua bëri të qartë shumë udhëheqësve të vendeve anëtare se vendi ynë ka një rekomandim të pakushtëzuar për të filluar negociatat,” tha Zaev.

.