“Të lutem mos bëj…”, Tea Trifoni i përgjigjet ndjekësit: Kam pasur një ide prej shumë kohësh…

Tea Trifoni është një nga ish-konkurrentet më të komentuara të “Për’puthen”. Edhe tani që ky sezon i programit u mbyll, ajo vijon që herë pas here të marrë gjithë vëmendjen e fansave.

Së fundmi, ajo ka bërë një bashkëbisedim me ndjekësit, të cilët i kanë bërë pyetje të ndryshme, por edhe e kanë këshilluar.

Duke qenë se shumë personazhe të “Për’puthen” kanë bërë këngë pasi janë larguar nga programi, dikush i ka thënë Teas që të mos i futet tregut muzikor.

“Të lutem mos bëj këngë, do më pëlqente të të shikoja në TV sepse je e zgjuar, por jo si këngëtare”, i ka shkruar një fans.

Tea i përgjigjet se nuk është këngëtare dhe as nuk pretendon karrierë muzikore, por do të realizojë idenë e saj.

“Nuk jam këngëtare dhe as nuk pretendoj karrierë muzikore, thjesht kam pasur një ide prej shumë kohësh dhe kam dëshirë të bëj diçka… Atëherë pse mos ta bëj”, përgjigjet ish-konkurrentja e “Për’puthen”.

Ndërkohë një tjetër ka vënë re që Tea nuk ishte te festa e madhe që organizoi produksioni i “Për’puthen” dhe e ka pyetur për arsyen.

“S’pata kohë të shkoja. Kisha diëka familjare”, i përgjigjet Tea shkurt.