Programi i Qeverisë: Si do t’i rrisë Albin Kurti vendet e punës

Rritja e vendeve të punës është synim afatgjatë i Qeverisë së Kosovës. Kështu thuhet në programin e Qeverisë.

Qeveria Kurti synon të ndërlidh tregun e punës me arsimin profesional.

“Nxitja e punësimit të qëndrueshëm është synim afatgjatë i Qeverisë, që do të arrihet nëpërmjet disejnimit të skemës për rikthimin në punë për personat që kanë humbur vendin e punës gjatë pandemisë. Do të mbështesim të punësuarit e rinj për periudhën e rimëkëmbjes ekonomike si dhe do të krijojmë një skemë për punësimin e garantuar për të rinjtë. Po ashtu, do të punojmë për ndërlidhjen e tregut të punës dhe arsimit profesional, që përfshin krijimin e sistemit informativ për tregun e punës, zgjerimin e shërbimeve të punësimit dhe aftësimit profesional me shërbime të reja, si dhe bashkëpunimin me sindikatat”, thuhet në programin Qeverisës.

Poashtu kjo Qeveri e ka për synim që t’iu lehtësojë grave në Kosovës të bëjnë biznes.

“ Gjithashtu, do të punojmë për rritjen e punësimit të grave me fokus në të bërit biznes dhe krijimin e kushteve të favorshme e të bërit biznes dhe thjeshtimin e procedurave për eksport dhe import”, bëhet e ditur në program.

.