Policia izraelite sulmon xhematin në Mesxhid Al-Aksa pas namazit të xhumasë, 20 të plagosur

Policia izraelite sulmoi xhematin në Mesxhid al-Aksa në Kudsin Lindor të pushtuar me plumba gome dhe granata zhurmuese pas namazit të xhumasë, raporton Anadolu Agency (AA).

Pas namazit në Al-Aksa, mijëra palestinezë festuan tërheqjen e Izraelit dhe armëpushimin me Hamasin, duke ngritur flamuj palestinezë dhe duke thirrur tekbire.

Palestinezët më pas arritën në pikën ku policia izraelite ishte vendosur pranë Kupolës së Shkëmbit.

Ndërsa tensioni u rrit, policia izraelite u përpoq të shpërndajë grupin duke i sulmuar me granata zhurmuese dhe plumba gome.

Policia izraelite tha në një deklaratë se shumë njerëz hodhën gurë dhe koktej molotovi në tubimin e mbajtur pas namazit të xhumasë.

Nga ana tjetër, Gjysmëhëna e Kuqe Palestineze njoftoi se 20 palestinezë u plagosën në ndërhyrjen e policisë izraelite në Mesxhid al-Aksa.

Në deklaratën e Gjysmëhënës së Kuqe bëhet e ditur se dy palestinezë janë transferuar në spitale.

Those inhuman fully armed monsters are back at it again attacking worshippers at #AlAqsa during Friday prayer amidst international silence & full support from the #US!! If the table were turned, the world will sanction #Palestine into oblivion. #AlAqsaMosque https://t.co/8NGZLCk0tt

— Omar Ghraieb?? (@Omar_Gaza) May 21, 2021