Ngjarjet në Jerusalem: një mallkim dhe një thirrje nga Turqia

Ali Erbash, Presidenti i Drejtorisë për Çështjet Fetare të Republikës së Turqisë (Diyanet), reagoi ndaj sulmeve të policisë izraelite ndaj palestinezëve në Al-Aqsa, duke thënë se gjenocidi po bëhej kundër historisë, të pafajshmëve dhe popullit palestinez .

Në një deklaratë për mediat në qytetin Adapazar, Erbash tha se “shteti terrorist pushtues i Izraelit po kryen përpjekjen më të shëmtuar kundër Xhamisë Al-Aqsa”, raporton Anadolu Agency (AA).

Ai theksoi se Izraeli po përpiqej të pushtonte Al-Asqa-në në një mënyrë barbare dhe brutale.

“Monstra të furishëm po përpiqen të vrasin myslimanë të pafajshëm, t’i sulmojnë ata në Xhaminë Al-Aqsa. Para syve të të gjithë botës, një gjenocid i madh po bëhet kundër historisë, kundër të pafajshmëve, kundër popullit palestinez. Mallkimi i Zoti, engjëjt dhe të gjithë njerëzit qofshin mbi shtypësit, tradhtarët dhe pushtuesit”, tha Erbash.

Erbash u dërgoi një mesazh izraelitëve, duke thënë se ata kishin kaluar kufirin.

“Si të gjithë banditët, ju do të vdisni, do të pendoheni. Do të përjetoni rrënim. Zjarri i tmerrshëm i terrorit që ju ndizni do të bëhet ferri juaj”, tha Erbash, duke vazhduar t’i dërgojë një mesazh njerëzimit:

“I drejtohem ndërgjegjes së njerëzimit: qyteti më i vjetër i njerëzimit, trashëgimia e tij e përbashkët po shkatërrohet. Njerëzit e pafajshëm dëbohen me forcë nga shtëpitë e tyre, shtëpitë e tyre janë okupuar, rrëmbyer. Tregoni se nuk keni vdekur!”.

Erbash gjithashtu i dërgoi një mesazh si botës muslimane ashtu edhe udhëheqësve, duke pyetur nëse nuk kishte ardhur koha që ata të bashkoheshin.

“Kur do të zgjoheni nga një gjendje e pamaturisë ndaj guximit të një grushti pakica të tërbuar. Çfarë ju bën indiferent ndaj qytetit të shenjtë?”

.