“Izraeli dhe Palestina të nisin bisedimet”, ministri i Jashtëm gjerman thirrje për t’i dhënë fund dhunës

Ministri i Jashtëm gjerman, Heiko Maas ka bërë thirrje për t’i dhënë fund dhunës në Lindjen e Mesme. Maas nëpërmjet një statusi në rrjetin social “Facebook” bën apel që të dyja palët , Izraeli dhe Palestina të rinisin bisedimet.

“Ajo që duhet tani është: 1. Fundi i sulmeve me raketa, 2. Fundi i dhunës dhe 3. Kthimi në bisedimet midis izraelitëve dhe palestinezëve dhe të gjendet një zgjidhje me dy vendeve”, shkruan Maas në Twitter.

Në ditën e shtatë të bombardimeve Izraeli ka sulmuar shtëpinë e shefit të Hamas-it në Gaza orët e para të së dielës. Ushtria ka publikuar edhe një video në të cilën një bombë godet shtëpinë e udhëheqësit të përgjithshëm të grupit militant, Yehiya Sinwar.

Si kundërpërgjigje, grupi islamist lëshoi raketat në drejtim të Tel Aviv-it ndërsa përplasjet vazhdojnë në ditën e shtatë radhazi.

.