Çavusoglu: Turqia është e gatshme të hedh çdo hap të duhur për çështjen palestineze

Ministri i Punëve të Jashtme të Turqisë, Mevlut Çavusoglu bëri të ditur se “Tani është koha që të shfaqim dhe tregojmë unitetin dhe vendosmërinë tonë në Palestinë. Umeti nga ne pret udhëheqje. Turqia është e gatshme të hedh çdo hap të duhur.”

Këshilli i Ministrave të Jashtëm të vendeve anëtare të Organizatës së Bashkëpunimit Islamik (OBI) zhvilloi një mbledhje të jashtëzakonshme me anë të videokonferencës për të diskutuar sulmet izraelite ndaj palestinezëve.

Ministri Çavusoglu, i cili përfaqësoi Turqinë në mbledhjen në fjalë tha se “Duhet të formohet një mekanizëm ndërkombëtar për mbrojtjen e palestinezëve.”

“Tani është koha që të shfaqim dhe tregojmë unitetin dhe vendosmërinë tonë në Palestinë. Umeti nga ne pret udhëheqje. Turqia është e gatshme të hedh çdo hap të duhur”, deklaroi Çavusoglu.

Numri i palestinezëve që humbën jetën në sulmet e Izraelit ndaj Rripit të Gazës u rrit në 181, përfshirë 52 fëmijë. /trt

.