A do ndahet Shqipëria nga Maqedonia e Veriut? Rama flet për negociatat

Gjatë konferencës së përbashkët për shtyp me ministrin gjerman për Europën Michaek Roth, kreu i qeverisë, Edi Rama u pyet nga gazetarët nëse Shqipëria do të ndahej apo do të mbahej ”peng”, nga ngërçi midis Maqedonisë së Veriut dhe Bullgarisë.

Rama u shpreh se reformat në Shqipëri realizohen për të përpirësuar jetën e shqiptarëve, jo vetëm sepse kërkohen nga Brukseli dhe Bashkimin Europian. Ndër të tjera, Rama tha se edhe nëse Shqipërisë nuk i hapen negociatat edhe kësaj rradhe, qeveria shqiptare do të vijojë punën që ka nisur me reformat.

Deklarata e Ramës:

“A duhet të ndahet Shqipëria nga M. Veriut? Dera na u tha që do hapej, por nuk është hapur. Edhe nëse dera nuk do hapet, unë nuk do je më shqetësuar siç isha kur nuk u hap herën e parë dhe as herën e dytë. Sepse besoj shumë që ky është një proces që lidhet në radhë të parë me ne, vendin tonë dhe fëmijët tanë. Ne nuk i bëjmë reformat, sakrificat, se na i kërkojnë në Berlin, Paris apo Bruksel. Ne i bëjmë sepse kjo është gjëja e duhur për Shqipërinë dhe shqiptarët. Ne do të arrijmë që t’i japim fëmijëve tanë Shqipërinë Europiane që funksionon njësoj si çdo vend i BE-së.

Se çfarë ndodh me njohjen e punëve të bërë nga ne, kjo nuk është puna ime. Kjo është puna e të zotëve të asaj shtëpie. Ndahet apo bashkohet njëri me tjetrin, kjo nuk është çështja jonë, por e BE-së. Vendimmarrja lidhet me çfarë duan të bëjnë ata, jo çfarë kemi bërë ne. Ne kemi bërë dhe do vazhdojmë të bëjmë punën tonë. Ne jemi de fakto më përpara se ata që po negociojnë, por kjo nuk do të thotë gjë tjetër që ne po bëjmë detyrën dhe do ta bëjmë më mirë. Për mua sfida është sit a rrisim kërkesën për veten. Çfarë do të vijojë nga miqtë, patjetër që do të jetë e mirëseardhur. Nëse nuk do vijë, ne do vazhdojmë punën.”, tha Rama.

.