Të shtëna me armë zjarri në Fier, plagoset një person, shpallet në kërkim autori

Të shtëna me armë zjarri janë dëgjuar në fshatin Sulaj të qytetit të Fierit mesditën e kësaj të premteje. Bëhet me dije se një 33-vjecar është plagosur me armë zjarri nga një 44-vjecar për motive të dobëta.

Njoftimi:

Fier/Informacion paraprak

Plagosi me armë zjarri një shtetas, identifikohet dhe shpallet në kërkim autori i dyshuar. Vijon krehja e zonës për kapjen e tij.

Sot rreth orës 14:00, në fshatin Sulaj, Fier, shtetasi R. M., 44 vjeç, në rrethana e motive ende të paqarta ka plagosur me armë zjarri pistoletë shtetasin P. P., 33 vjeç, i cili ndodhet në spitalin e Fierit nën kujdesin e mjekëve.

Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Fierit për kapjen e autorit.

Grupi hetimor nën drejtimin e Prokurorisë vijon punën për zbardhjen e rrethanave dhe motivit të ngjarjes .