Drita mposht në fund Feronikelin dhe rimerr kreun!

Drita rimerr kreun në Superligën e Kosovës falë suksesit minimal të arritur vetëm në fund në transfertën ndaj Feronikelit. Një supergol I Festim Alidemës në minutën e 90-të i mjaftoi skuadrës gjilanase për të marrë tre pikë të arta në këtë transfertë të vështirë. Me këtë fitore përballë skuadrës së Klodian Duros, Drita u ngjit në kuotën e 50 pikëve dhe tashmë e sheh veten +2 nga Ballkani i Bledi Shkëmbit, diferencë që arriti ta ruante edhe pas javës së 23-të të Superligës së Kosovës.