“CR770” golashënuesi më i mirë në histori, ka një dedikim për Pele

Cristiano Ronaldo parakalon Pele për numrin e golave të shënuar në karrierë. Me tripletën e shënuar ndaj Cagliarit, sulmuesi portugez ka shkuar në shifrën e 770 realizimeve në karrierë dhe menjëherë pas ndeshjes ka reaguar me një status në llogarinë e tij në Instagram.

Në fakt është folur prej javësh për parakalimin e legjendës braziliane Pele, por ka pasur një debat të gjatë në lidhje me golat që ky i fundit ka shënuar në karrierë, pasi një pjesë e madhe e tyre nuk ishin llogaritur si zyrtarë.

Megjithatë vetë Pele numëron si zyrtarë 676 gola, përfshi këtu edhe 9 të shënuar me San Paolo State e një tjetër me skuadrën ushtarake të Brazilit, ndaj vetëm pas tregolëshit të shënuar ndaj Cagliarit, Ronaldo ia ka dalë të parakalojë legjendën braziliane.

“Javët e fundit kanë qenë të mbushura me lajme e statistika, që më kanë konsideruar si golshënuesin më të mirë në historinë e futbollit botëror, duke parakaluar shifrën rekord prej 757 golash të legjendës braziliane Pele. Edhe pse jam mirënjohës për këtë, tani është momenti të shpjegoj pse nuk e kam njohur deri më sot këtë rekord. Admirimi i pakushtëzuar dhe i përjetshëm për Pele, si dhe respekti për futbollin e shekullit të XX më kanë bërë të njoh si gola zyrtarë të tij 767 të tillë, duke llogaritur edhe 9 të shënuar me fanellën e San Paolo State dhe një me skuadrën militare të Brazilit. Bota ka ndryshuar që nga ajo kohë dhe futbolli gjithashtu ka ndryshuar, por kjo nuk do të thotë që ne mund ta anulojmë historinë sipas interesave tona”, shkroi Ronaldo.

Më pas sulmuesi portugez pati një dedikim special edhe për legjendën braziliane Pele, duke theksuar se është rritur duke dëgjuar për famën dhe historinë e tij dhe se thyerja e rekordit ishte diçka e paimagjinueshme.

“Sot, kur kam arritur arritjen zyrtare të 770 golave në karrierën time profesionale, fjalët e mia të para shkojnë drejtpërdrejt te Pele. Nuk ka asnjë lojtar në botë që nuk është rritur duke dëgjuar histori për lojërat e tij, qëllimet e tij dhe sukseset e tij, dhe unë nuk bëj përjashtim. Dhe për këtë arsye, unë jam mbushur me gëzim dhe krenari kur shënova golin që më vendosi në krye të tabelës, duke thyer rekordin e Pele, diçka që nuk mund ta ëndërroja kurrë ndërsa isha duke u rritur si fëmijë në Madeira. Faleminderit të gjithëve që morën pjesë në këtë udhëtim mahnitës me mua. Për shokët e mi të skuadrës, kundërshtarët e mi, adhuruesit e lojës së bukur nga e gjithë bota dhe mbi të gjitha familjen dhe miqtë e mi të ngushtë – më besoni kur them se nuk mund ta kisha bërë pa ju”, shkroi ylli portugez.

I menjëhershëm edhe reagimi i Pele në rrjetet sociale, ku uron Ronaldon për thyerjen e rekordit dhe nuk ngurron t’i shprehë gjithë admirimin që ka për portugezin e karrierën e tij në futboll.

“Urime që thyet rekordin tim për gola në ndeshjet zyrtare. Çfarë karriere të bukur po bën! Unë të admiroj shumë dhe kjo nuk është sekret. E lë këtë foto për nderin tuaj, me shumë përzemërsi, si simbol të një miqësie që ekziston prej shumë vitesh”, shkroi Pele.