Shpërthim i fuqishëm në Lezhë, ushtria e policia zbresin në terren

“Lokalin e marrë me qera nga shtetasi V.Sh.,banues në fshatin Mërqi,Lezhë, ka shpërthyer një sasi e vogël e dyshuar lëndë plasëse, e cila ka shkaktuar vetëm dëme materiale…”

Një shpërthim i fuqishëm është regjistruar rreth orës 21:18, në Lezhë.

Mësohet se në terren ka zbritur ushtria, policia dhe SHISH, por ende deri tani nuk është identifikuar asgjë e dyshimtë.

Konkretisht shpërthimi është dëgjuar përgjatë bregdetit të Shëngjinit e deri në Lezhë.

Kujtojmë se e njëjta situatë ndodhi disa javë më parë, kur dy zhurma të mëdha tronditën Lezhën, por ende deri më sot nuk dihet se çfarë ka ndodhur.

Lezhë/Informacion paraprak

Më datë 13.02.2021, rreth orës 21:45, në vendin e quajtur “Rruga e Kallmetit” Lezhë, në lokalin e marrë me qera nga shtetasi V.Sh.,banues në fshatin Mërqi,Lezhë, ka shpërthyer një sasi e vogël e dyshuar lëndë plasëse, e cila ka shkaktuar vetëm dëme materiale.

Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit.