Shkodër: I mituri qëllon për vdekje motrën 12-vjeçare

Një ngjarje e rëndë ka ndodhur gjatë ditës së djeshme në Shkodër, ku një vajzë 12-vjeçare ka humbur jetën si pasojë e plagëve të marra nga një armët e zjarrit.

Me këtë rast policia ka arrestuar një 30-vjeçar me inicialet Xh.Gj 30-vjeç, nga fshati Baks, Velipojë, Shkodër i cili është xhaxhai i viktimës.

30-vjeçari u arrestua për veprën penale “Prodhimi dhe mbajtja pa leje e armëve të gjuetisë dhe sportive” (xhaxhai i 12 vjeçares).

Policia sqaron se ky shtetas u arrestua pasi në banesë mbante pa leje një armë gjahu, me të cilën shtetasi i mitur E. Gj. aksidentalisht ka shkrepur armën në drejtim të motrës së tij, 12-vjeçares E. Gj., e cila si pasojë e plagëve të marra ka ndërruar jetë në Spitalin Rajonal Shkodër.

Materialet iu referuan Prokurorisë së Rrethit Gjyqësor Shkodër, për veprime të mëtejshme/TCh.

.