Pse nuk ka më vauçerë? Përgjigjet zëvendëskryeministri Fatmir Bytyqi

Në pakot e fundit anti-krizë, nuk ka pasur vauçerë as turistike dhe as për studentë e nxënës. Sipas paralajmërimeve, kjo nuk parashihet të ndodh as në pakon e 5-të ekonomike. Se pse nuk parashihen kjo ndihmë më tej, tregoi zëvendëskryeministri për Çështje Ekonomike, Fatmir Bytyqi.

“Sa i takon vauçerëve, ajo ishte zgjidhje ad-hoc që u bë gjatë periudhës së krizës, u përfshinë rreth 70 mijë qytetarë, por pas kësaj, dua ta përsëris, se në pakon e masave, që parashihet tani, ka një masë më të madhe që ka të bëjë drejtpërdrejt me qytetarët, dhe ajo është shlyerja e normës së interesit për borxhet ndaj ndërmarrjeve publike, pavarësisht se a janë të nivelit lokal apo qendror”, tha Bytyqi në ngjarjen e përbashkët me ministrin e Ekonomisë, Kreshnik Bekteshi në “Rade Konçar”.

Njoftoi se pakoja e 5 pritet të finalizohet deri në fund të javës, “nëse arrijmë konsensus me të gjitha palët e përfshira”, ndërkaq shtoi se tërë pakoja kap vlerën prej 50 deri në 60 milion euro./TV21