Mickoski nga Çarshia e Shkupit i filloi takimet me qytetarët

Lideri i VMRO-DPMNE-së, Hristijan Mickoski nga Çarshia e Shkupit i ka filluar takimet me qytetarët, të cilat janë në vazhdën e aktiviteteve që do të realizohen nga kjo parti para zgjedhjeve lokale në vend.

Në Çarshi, Mickoski u takua me zejtarët, pas çfarë shprehu pakënaqësi për ndihmën ekonomike që Qeveria i ka ndarë për këtë sektor ekonomik.

“Do të kemi takime gjithandej Maqedonisë, me njerëz të cilët luftojnë në terren real me probleme reale, dhe jo me syze dhe të ulur në karrige të lëkurës, ku shkelin në qilim persian dhe të trashë në Qeveri dhe në ministri, me agjenci të PR-it që paguhen shtrenjtë, që të na tregojnë se jeta është “rozë”, ndërkaq në thelb realiteti është ndryshe, gjegjësisht do të thoja e kundërta e asaj që Qeveria nëpërmjet makinerisë propaganduese të shtrenjtë përpiqet të na e imponojë”, tha Mickoski./TV21