Haradinaj: Me 14 është referendum për Aleancën, për Kosovën në NATO

Kryetari i AAK-së njëherësh kandidat për President, Ramush Haradinaj, ka mbajtur një tubim parazgjedhor në vendlindjen e tij – Deçan. Gjatë fjalimit të tij, Haradinaj prezantoi edhe një herë programin e Aleancës për ekonominë dhe iu bëri thirrje mërgimtarëve të investojnë në Kosovë për shkak të rënies nga pandemia.

“Kur ka qenë shumë ngushtë me punët e Kosovës, i kanë ra hise Deçanit, edhe i ka kryer Deçani si duhet. Tash janë shtuar pak punët se ekonominë nuk e kemi mirë, pandemia e rrëzoi dhe na duhet një plan, duhen njerëz që kanë përvojë, dije, vizion me ringjallë rritjen e ekonomisë. Pako biznese për të gjitha ata që janë aktiv në ekonomi. Mërgimtarë, bëni çmos dhe kthejuni ekonomisë tonë në Kosovë, ejani investoni, qarkulloni parën e juaj”.

“Ne kemi përgatitur një plan. Të konsolidojmë sigurinë, shtetin ligjor që garant që nuk rrezikohet as nga brenda por as prej jashtë e që nuk bëhen eksperimente në këtë shtet. Në shtet kërkohen njerëz serioz, për këtë e kemi marrë përsipër, siguria rendi dhe ligji, e në Kosovë kemi me bo shtet të sigurt, por mos me pas mundësi askush me rreziku. Kemi plot kategori që nuk janë mjaftueshëm në pozitë, do të kujdesem për të gjitha kategoritë”.

Sipas tij, më 14 shkurt është referendum për Aleancën, për Kosovën në NATO.

“Ne kemi veç një punë, me u lidh fort me Amerikën, me hy në NATO se s’kemi rrugë tjetër. Kosova e ka më mirë se e di me kë është. Na jemi me NATO, me Amerikën dhe BE. Edhe pse Serbia e sotme kujton që me filtruar pak me Rusi dhe Kinë, kanë me marrë me të mirë edhe Amerikën e Evropën, por gabon. Ne e dimë kah e kemi drejtimin. Ne duke treguar qartë me kë jemi dhe me vendos afate kohore, se çdo kontratë e do edhe kohën. Ne duam kontrate që ka të bëjë me NATO. Kjo kontratë e ka një afat kohor, ne e kemi kryer hapin e parë. Aleatët tonë do të na ndihmojnë që t’i kalojmë pengesat”.

“Kemi ndryshime në krejt komunat e Kosovës në rritje. Si president i Kosovës ju siguroj që do t’ju nderoj me punë, në Deçan e Dukagjin në gjithë Kosovën, ju siguroj që ko me nderu sakrificën për liri dhe do të nderojmë ndihmën e aleatëve tonë. Me 14 është referendum për Aleancën, për Kosovën në NATO”

.