Një fitore në 8 javë, Hertha e Berlinit shkarkon trajnerin dhe drejtorin sportiv

Hertha e Berlinit ka vendosur të shkarkojë trajnerin Bruno Labbadia dhe drejtorin sportiv të skuadrës, Michael Preetz, pas një serie rezultatesh negative, që e kanë zbritur ekipin shumë pranë zonës së ftohtë të renditjes.

Decizive për këtë shkarkim, ishte humbja e djeshme e kryeqytetasve me rezultatin 4-1 ndaj Ëerder Bremen, ndërsa Labbadia u bë trajneri i katërt që shkarkohet nga stoli i Herthës së Berlinit, në dy sezonet e fundit.

Aktualisht klubi pozicionohet në vendin e 14 të renditjes në Bundesligë dhe ka fituar vetëm një nga 8 ndeshjet e fundit të kampionatit gjerman, teksa edhe këtë sezon do të duhet të luftojë shumë për mbijetesën.