Në Hasanbeg kapet drogë dhe armatim, policia arreston dy persona (FOTO)

Dy persona nga Hasanbegu i Shkupit janë arrestuar nën dyshimin se kanë shitur dhe prodhuar substanca narkotike dhe kanë poseduar armë pa leje, njofton Ministria e Punëve të Brendshme.

“Gjatë ditës së sotme, pas urdhrit paraprak të gjykatësit në procedurë paraprake pranë Gjykatës Themelore Penale në Shkup, policia ka kryer bastisje në shtëpinë dhe hapësirat tjera ku jetojnë A.V.(74) dhe S.V.(45) në rajonin e Hasanbegut, ku kanë gjetur paketime të një sasie të marijuhanës (rreth 10kg), vaj hashishi, një pistoletë Crvena Zastava me dy karikatorë me nga 57 plumba”, njoftojnë nga MPB.