Kërcënimet ndaj BE, ish-deputeti: Rama ka kohë që flet përçart

Përparim Spahiu, ish-deputet i LSI, ka reaguar pas kërcënimeve të Kryeministrit Edi Rama, i cili një ditë më parë tha se nuk mund të presim BE-në, ndërsa tregoi si tregje alternative ato në Lindjen e Mesme dhe Turqinë. Spahiu shkruan se Edi Rama ka kohë që flet përçart dhe nxjerr gafa nga goja.

“E para, nuk “presim” neve BE. BE është aty, ne duhet të plotësojmë kushtet dhe të meritojmë anëtarësimin. Ndaj, nuk “presim” ne BE. E kundërta. BE na pret neve. E dyta, do orientohemi “në Lindje”. Haha. A thua ka frikë BE se Shqipëria e Sulltanit do orientohet drejt lindjes? Po ku kanë shqiptarët projekt tjetër përveç Europës? Nuk kanë. Ku do integrohen, në Azi?

E treta, nuk presim BE, do “eksportojmë në Lindje”.Thua e përmbytëm Europën me eksportet tona dhe tani do ja heqim racionin dhe do ja japim Erdoganit. Dhe Turqia dhe Dubai mezi po presin eksportet tona”, shkruan ish-deputeti Spahiu.

.