Bexheti deklarohet për kamp shtëpizat në liqenin Treska

Kryetari i komunës së Sarajit, Blerim Bexheti ka ripërsëritur qëndrimin për largimin e kamp shtëpizave pranë liqenit Treska. Sipas tij këto kamp shtëpiza paraqesin pengesë për realizimin e planit urbanistik të Sarajit.

Bexheti tha se ky problem duhet të zgjidhet që qeveria të jetë efikase në realizimin e hapit tjetër të paraparë me ligj.

Kreu i Sarajit Blerim Bexheti theksoi se këto kamp shtëpiza janë menaxhuar nga Ndërmarrja ‘Parqet dhe gjelbërimet’ dhe Qyteti i Shkupit dhe se komuna e Sarajit e gjeti këtë zonë në situatë kaotike sepse nuk dihen shumica e pronarëve të kamp shtëpizave.

Këto kamp shtëpiza sipas planit urbanistik do të zëvendësohen me shtëpi njëkatëshe.