Takohen drejtorët e hekurudhave të Maqedonisë dhe Turqisë (FOTO)

Drejtori i SH.A Hekurudha Transport, Adnan Aziz i cili po qëndron në vizitë zyrtare në Truqi ka zhvilluar takim në Ankara me drejtorin gjeneral të Hekurudhave në Turqi( TCDD) Ali İhsan Uygun.Me z. Uygun.

Në këtë takim është biseduar për situatën aktuale të hekurudhave të Republikës së Maqedonisë së Veriut dhe Turqisë, ndërsa Azizi ka uruar homolgun e tij turk për arritjen historike, atë të nisjes së trenit të parë të transportit të mallrave në linjën direkte Stamboll – Pekin.

“Diskutuam gjërësisht rreth mundësisë së hapjes së linjës Shkup – Stamboll për transportin e udhëtarëve, ku z. Uygun shprehu gatishmërinë për të punuar në këtë drejtim.Gjithashtu, TCDD do t’i dhurojë HRMV – Transport dy lokomotiva që do të shërbejnë për rritjen e kapacitetit të transportit të mallrave”, shkruan në rrjetin e tij social Facebook, drejtori i Hekurudhave të RMV-së, Adnan Azizi..

Më tej Azizi ka njoftuar se me z. Uygun janë dakorduar për thellim të bashkëpunimit mes hekurudhave të Maqedonisë së Veriut dhe Turqisë, si dy shtete mike, të cilat gjithmonë i kanë dalur krah njëra tjetrës.