Lajm i mirë nga Italia, Berisha mposht koronavirusin dhe lë spitalin

Gardiani dhe njëkohësisht kapiteni i Kombëtares Shqiptare, Etrit Berisha ia ka dalë të mposhtë koronavirusi, pasi siç raportojnë mediat italiane, ka lënë spitalin, ku u shtrua pak ditë më parë.

Portieri rezultoi pozitiv në tamponin e kryer disa ditë më parë, por pas përkeqësimit të gjendjes shëndetësore, u detyrua të shkojë në spital, për të marrë një trajtim mjekësor të specializuar, ndërsa tani duket se ka kaluar çdo gjë me sukses.

Në ditët e ardhshme pritet që Berisha të rinisë stërvitjen me Spalin, me synim rikthimin sa më shpejt në fushë, megjithatë vështirë se do t’ia dalë të rikuperojë këtë muaj, pasi nuk stërvitet prej më tepër e dy javësh.