Kur dijetari shpreh nevojë për atë që është tek njerëzit, dituria e tij vdes para syve të tij

Ibnul-Kajjim el-Xhevzije
ka thënë:

* Në shpirtin njerëzor banojnë: 1- Krenaria
e Iblisit, 2- zilia e Kabilit, 3- mendjemadhësia e popullit të Adit, 4- tirania
e popullit të Themudit, 5- paturpësia e Nemrudit, 6- mendjemadhësia e Faraonit,
7- shthurja e Karunit, 8- poshtërsia e Hamanit, 9- pasioni i Bel’amit (njeriu i
cili përkundër dijes së madhe që Allahu i kishte dhuruar, ai atë dituri ia
nënshtroi pasioneve dhe lakmisë së tij),10- prirja për mashtrime dhe marifete e
atyre që mëkatuan për të shtunën,11-kundërshtimi i Velid ibn Mugires, dhe12-
injoranca e Ebu Xhehlit.

** Në shpirtin e njeriut, gjithashtu, ka
edhe disa tipare dhe cilësi shtazore, siç janë: 1- lakmia e korbit, 2- pangopësia
e qenit, 3- moskokëçarja  e palloit, 4-
poshtërsia dhe përbuzja e zhuzhingës, 5- mosbindja e hardhucës, 6- zemërkeqësia
e devesë, 7- guximi i rrëqebullit, 8- agresiviteti i luanit, 9- shthurja e miut,
10- poshtërsia dhe tinëzia e gjarprit, 11- përtacia dhe padobia e majmunit, 12-
prirja e milingonës për të grumbulluar pasuri, 13- dinakëria e dhelprës, si dhe
14- intrigat dhe prirja për gjumë dhe përtaci si hiena.

Ai, gjithashtu, ka thënë:

*** Baza e çdo të keqeje kthehet në
futjen e inovacioneve në fe dhe ndjekjen e pasioneve.

Namazi i hipokritit është namazi i
trupit, jo namazi i zemrës.

Kur dijetari shpreh nevojë për atë që
është tek njerëzit, dituria e tij vdes para syve të tij.

Ekzistojnë tri shkallë të raportit me pasurinë:
(1) drejtësia–që e nënkupton tregtinë e lejueshme;
(2) padrejtësia ose zullumi–që e nënkupton marrjen e kamatës, dhe
(3) bamirësia dhe fisnikëria–që nënkupton dhënien e sadakasë.

Përkthim:
Miftar Ajdini