Macron akuzon Turqinë për nxitjen e ndjenjave anti-franceze në Afrikë

Tensionet dhe mosmarveshjet midis Ankarasë dhe Parisit janë rritur shumë muajt e fundit dhe kulmuan në momentin kur presidenti francez mbrojti të drejtën për të botuar karikaturat e Profetit Muhamed. Presidenti francez Emmanuel Macron së fundmi akuzoi Turqinë për promovimin e ndjenjave anti-franceze në Afrikë, midis tensioneve në rritje midis Parisit dhe Ankarasë, shkruan InfoShqip.

Në një intervistë me revistën Jeune Afrique, Macron pretendoi se Turqia dhe Rusia po përpiqeshin të provokonin “pakënaqësi postkoloniale” ndaj Francës. “Ne nuk duhet të jemi naivë për këtë temë: shumë prej atyre që flasin, që regjistrojnë video, të cilët janë të pranishëm në mediat franceze-folëse financohen nga Rusia ose Turqia,” i tha ai revistës.

“Kur vendosa të sulmoj Islamin radikal, fjalët e mia u shtrembëruan nga Vëllazëria Myslimane, mjaft gjerësisht, por edhe nga Turqia, e cila ka aftësinë të ndikojë në opinionin e gjerë publik, duke përfshirë Afrikën nën-Sahariane,” tha Macron.

Gjithashtu vlen të theksohet fakti se në fillim të këtij viti, Ministria e Jashtme Franceze me një status në Twitter e dënoi “TRT World“, që është kanali televiziv shtetëror i Turqisë, për një video të historisë koloniale Franceze në Afrikë.

Ministria pretendoi se videoja ishte “e njëanshme” dhe refuzoi pretendimin e bërë në video se thesari francez kontrollonte monedhat e 14 vendeve afrikane./Infoshqip.com

.