Kandidoi për t’u bërë president i SHBA-ve, sa vota mblodhi gjithsej Kanye West?

Reperi Kanye West kandidoi në zgjedhjet presidenciale të këtij viti në SHBA për t’u bërë president. Por pavarësisht disfatës, Kanye ka premtuar se do të kandidojë sërish pas 4 vitesh.

Emri i reperit u shfaq në fletët e votimit në 12 shtete, pasi humbi afatin e regjistrimit në shumë shtete të tjera të Amerikës. Gjithsej, Kanye ka mbledhur 60.000 vota. Ai arriti të grumbullonte 10.188 vota në Tenesi, një shtet që zakonisht favorizon kandidatët republikanë.

Kur ai njoftoi kandidaturën e tij në korrik, ai ishte shprehur se platforma e tij ishte modeluar nga Wakanda, mbretëria e trilluar nga Black Panther.

I pyetur se përse kishte zgjedhur atë emër partie ai u shpreh: “Sepse kur fitojmë, është festa e ditëlindjes së të gjithëve.”