EMRI/ U hodh nga spitali “Shefqet Ndroqi”, identifikohet pacienti me koronavirus që i dha fund jetës

Një pacient me COVID-19 u hodh nga kati i katërt i spitalit ‘Shefqet Ndroqi’ dhe ndërroi jetë.

“BalkanWeb” shkruan se viktima është identifikuar, ndërsa bëhet fjalë për Peng Gjonajn nga Tropoja.

Deri më tani nuk dihen rrethanat se si ka ndodhur ngjarja në fjalë, ndërkohë që policia po heton për rastin.

Rasti i parë është regjistruar më 13 gusht, ku 29-vjeçari Xhino Koça nga Durrësi u hodh nga kati i tretë i këtij spitali, në gjendje të rënduar psikologjike, ku për pasojë ndërroi jetë.

Ndërkohë, që në 2 shtator Hasan Mira, 65 vjeç, i dha fund jetës duke u hedhur nga kati i katërt i këtij spitali, vetëm dy ditë pasi ishte shtruar aty.