Avioni ushtarak me Hashim Thaçin, Kadri Veselin e Rexhep Selimin sapo u nis në Hagë!

Ish-drejtuesit e UÇK-së, Hashim Thaçi, Kadri Veseli e Rexhep Selimi sapo janë nisur për në Hagë me një aeroplan ushtarak.

Hashim Thaçi ka dhënë dorëheqje sot paradite në një konferencë për media ku njoftoi se i është konfirmuar aktakuza.

Kadri Veseli po ashtu ka dhënë dorëheqje nga PDK-ja pas konfirmimit të aktakuzës.

Pas dorëheqjes së Thaçit, kryetarja e Kuvendit, Vjosa Osmani, ka marrë zyrtarisht pozitën e ushtrueses së detyrës së presidentes së Kosovës.

​Thaçi, Veseli e Selimi mbërrijnë në ANP, pritet të udhëtojnë për në Hagë

Në aeroportin ushtarak në Sllatinë ku ndodhet edhe baza ushtarake e KFOR-it, kanë mbërritur ish-presidenti Hashim Thaçi, kreu i PDK-së, Kadri Veseli dhe deputeti e LVV-së, Rexhep Selimi të cilët pritet të udhëtojnë drejt Hagës pas konfirmimit të aktakuzës nga Dhomat e Specializuara në Hagë.

Në këtë aeroport më herët ka arritur edhe një avion ushtarak.

Përpos forcave të KFOR-it nuk është parë diçka tjetër.

Edhe gjatë ditës së djeshme është arrestuar Jakup Knasniqi i cili është transferuar për në Hagë.

Pas, konfirmimit të aktakuzave nga Gjykata Speciale, Hashim Thaçi, Kadri Veseli dhe Rexhep Selimi janë nisur drejt aeroportit për të udhëtuar drejt Hagës.