Zaimi i VV-së për hyrjen me pagesë në Prishtinë: Po krijojmë zezakët dhe arabët tanë

Arbër Zaimi, një aktivist i Vetëvendosjes nga Republika e Shqipërisë është ankuar për propozimin që hyrja në qendër të Prishtinës të bëhet me pagesë. 

Zaimi konsideron që kjo taksë e Prishtinës ndaj njerëzve të periferisë dhe qyteteve tjera po i bën ata edhe më të margjinalizuar

“Për të shkuar në Tiranë nga veriu duhet të paguash traun e Kalimashit, 5 euro hyrja e 5 euro dalja, e nga jugu po mendojnë ta bëjnë të njëjtën punë, në rrugën për Elbasan, atë Fier-Vlorë e atë të Gjirokastrës. Ndërsa Prishtina po mendon zgjidhje më praktike, pak rëndësi ka se nga cila udhë vjen, do të paguash veç pse ke nderin ta shkelësh dheun e Prishtinës”, ka shkruar ai.

“Ata janë periferikët, njerëzit e fshatrave e qyteteve të tjera, që “elita” e pushtetit i do veç për votë, se kështu s’ka dëshirë t’i shohë me sy nëpër rrugët pranë zyrave e vilave të veta luksoze”, thotë Zaimi.