Solskjaer merr përgjegjësinë për startin e dobët të Man United në Premierligë

Skuadra e Solskjaer ka marrë vetëm tre pikë në tre ndeshjet e para të sezonit dhe të shtunën udhëton për t’u takuar me Newcastle, pas humbjes 6:1 nga Tottenham para pushimit ndërkombëtar.

Ka pasur shumë kritika rreth paraqitjeve, si lojtarëve ashtu edhe trajnerit Solskjaer, me raporte që sugjerojnë se Mauricio Pochettino tashmë po shikohet si një zëvendësim nëse gjërat vazhdojnë të shkojnë keq në ‘Old Trafford’.

“Qendra e vëmendjes duhet të jem unë, sepse jam trajneri dhe jam përgjegjës”, ka deklaruar Solskjaer, përcjell lajmi.net. “Unë e mbaj dorën lartë”.

“Nëse jeni pjesë e Manchester United si lojtar ose staf, jeni mësuar me këtë dhe duhet të jeni i fortë mendërisht dhe për mua kjo periudhë është një mundësi tjetër për të provuar dhe për t’u thënë lojtarëve se sa besojmë tek ata”.

“Ka të bëjë me përqendrimin për ndeshjen e ardhshme sepse ata e dinë që janë të aftë të marrin rezultate dhe të ngjiten në tabelë”.

Manchester United pas tri ndeshjeve të zhvilluara, numëron 3 pikë, duke u renditur në vendin e 16./Lajmi.net/